Blog
Реализирана втората мобилност во рамките на Erazmus+ проектот UPCYCLING PATTERNS
- October 3, 2026
- Posted by: ОЕМУЦ „Св. Наум Охридски“
- Category: Вести
Од 28 септември до 2 октомври 2026 година, во рамки на Erasmus+ проектот „Upcycling Patterns“ – 2025-1-TR01-KA210-SCH-000350496, се реализираше втората проектна мобилност Turning waste into creativity and sustainable design! во Познан, Полска, чиј домаќин беше Zespół Szkół Samochodowych – Poznań.
Од ОЕМУЦ „Св. Наум Охридски“ – Охрид учествуваа наставниците Јорданка Недеска Симиџиоска, Љупчо Балески и Ирина Димзова Треневска и учениците: Антонија Младеноска, Евгенија Митреска, Теодора Тодороска и Ангелина Симиџиоска. На мобилноста заедно со нас учествуваа и наставници и ученици од партнерските училишта: Zespół Szkół Samochodowych – Poznań, Poland – домаќин, MEPA Vilniaus Automechanikos ir Verslo Mokykla – Vilnius, Lithuania и MEV KOLEJİ – Istanbul, Türkiye .
ШТО НАПРАВИВМЕ? Реализиравме креативни upcycling работилници, во кои отпадните материјали добија нов живот. На работилницата „A Tire’s Second Life“, учениците од стари автомобилски гуми создаваа нови и функционални производи. Секој партнер засади дрво во училишниот двор – „A Living Legacy of the Upcycling Patterns Project“, како симбол на одржливоста, пријателството и меѓународната соработка. Поставивме ознаки на дрвјата изработени од upcycled материјали, со имињата на земјите партнери. Ја истражувавме „Green Mobility in Practice“ преку историски трамвај и прошетка низ Познањ. Го посетивме археолошкиот музеј Biskupin и учествувавме во креативни работилници инспирирани од традиционалните техники. Го истражувавме ботаничкиот парк „Siedem Drzew“, поврзувајќи ја природата со еколошкото образование. Учениците создаваа кратки дигитални видеа од своите искуства – од фотографирање и избор на материјали, до монтажа, титлување и презентација. Го запознавме културното наследство на Познањ: Old Market Square, Poznań Goats, Croissant Museum, Półwiejska Street и Stary Browar. Преку заедничките активности, меѓународните тимови, размената на идеи и дружењето, учениците и наставниците развиваа интеркултурни компетенции, креативност, тимска работа и свест за одржлив развој. Оваа мобилност уште еднаш ни покажа дека отпадот не мора да биде крај на еден предмет – може да биде почеток на нова идеја. Give materials a second life, inspire people to create a better future! Голема благодарност до нашите домаќини од Zespół Szkół Samochodowych – Poznań за прекрасната организација, гостопримството и незаборавните искуства!

















