Blog
ОЕМУЦ „Св. Наум Охридски“ дел од програмата за размена RYCO Superschools
- August 19, 2024
- Posted by: ОЕМУЦ „Св. Наум Охридски“
- Category: Вести
За убав почеток на новата учебна година, една убава вест. Нашето училиште е едно од 90-те избрани средни училишта од Западен Балкан кои ќе учествуваат во програмата за размена на RYCO Superschools. Меѓу овие 90 училишта: 16 доаѓаат од Албанија, 16 од Босна и Херцеговина, 5 од Црна Гора, 8 од Косово, 15 од Македонија и 30 од Србија.
RYCO Superschools е програма за училишна размена во WB6 со цел да се поддржи процесот на градење мир и помирување и меѓукултурното учење и дијалог меѓу училиштата, учениците и нивните заедници. Програмата е дел од мултидонаторски проект, кофинансиран од Европската унија и германското Сојузно Министерство за економска соработка и развој (BMZ) и имплементиран од Deutsche Gesellschaft für Internationale Zusammenarbeit (GIZ) заедно со RYCO.
Проектот „ CHANGE“ (Cultural Historical Application Natural Generation Education) е еден од 45-те избрани најдобри проекти кој е изработен во соработка меѓу нашето училиште и Техничка школа од Ужице, Република Србија. Преку овој проект ќе се реализираат две интеркултурни размени со по 17 ученици и 2 професори во текот на 2024/2025 наставна година. Координатори на проектот од нашето училиште се наставниците Јорданка Недеска Симиџиоска и Љупчо Балески, додека координатори од Техничка школа од Ужице се наставничките Ана Анѓиќ и Ивана Јочиќ.




