Во насока на подобрувањето на условите за изведување на наставата во ОЕМУЦ „Св. Наум Охридски“ се спроведе уште една вредна инвестиција. Се набавија 14 интерактивни табли и LCD проектори чија монтажа и инсталација е во тек. Целокупната инвестиција е во вредност од 1 100 000 денари и е обезбедена преку секторот за образование на Општина Охрид.

Интерактивните табли се со целосно вклучен софтвер кој се карактеризира со едноставно мени со основни алатки, алатки за математика, подршка на PDF документи, можност за снимање на целата презентација како и вклучен дополнителен софтвер за презентација и цртање врз работната површина надвор од едукативниот софтвер. Овие интерактивни табли имаат подршка и за оперативните системи Windows 7/8 и Linux.

Преку оваа инвестиција ќе се изврши модернизација на наставата, а со тоа ќе се подобрат и  условите за работа на наставниците и подобрување на знаењата кај учениците.