УЧЕНИЧКИ КОМПАНИИ

Junior Achievment Macedonia

На Националниот натпревар во најдобри ученички компании  за учебната 2022/2023 година што се одржа во организација на Junior Achievment Macedonia од 10 ти до 12 мај во хотел Дрим- Струга,  25 тима имаа можност да ги претстават своите ученички компании и сé што сработиле оваа учебна година.

Нашето училиште на овој натпревар се претстави со две  Ученички компании. Комапнијата „ЦеХа4“ составена од учениците Ангел Крстески, Мартина Јосифоска, Мануел Симоноски, Јована Николоска и Един Мифтароски под менторство на професорите Јорданка Недеска Симиџиоска и Љупчо Балески го претстави својот производ Дигестер за производство на метан со користење на органски отпад. Компанијата „GreenForce“ составена од учениците Ана Спироска, Ана Атанасовска, Дарко Крлески, Климент Маријаноски, Александар Спасеновски под менторство на професорката Ирена Ралева Најдевска ја претстави својата апликација TrashPinger која се користи за пријавување на диви депонии.

На овој натпревар беа пријавени 115 компании од средни училишта од целата држава, а на финалниот настан се претставија 25 ученички компании од 20 училишта од 14 градови од Македонија меѓу кои беа и нашите две компании.

Натпреварот се состоеше од два дела. Во првиот дел претставниците од ученичките компании имаа сценска презентација пред жири-комисија, а во вториот дел ги претставија своите услуги или производи на своите штандови.

Натпреварот претставува едно позитивно искуство како за учениците така и за менторите бидејќи нашето училиште за првпат настапи на еден ваков натпревар. На учениците и менторите им честитаме за постигнатиот успех и им посакуваме успешна практична реализација на нивните идеи.