Balkan Junior 2019

Logo Balkan Junior 2019

БАЛКАН ЈУНИОР  претставува  меѓународен натпревар од областа на електротехника и мехатрониката. Целта на проектот е поврзување на стручните училишта од областа на машинството и електротехниката како и размена на нивните искуства,  промовирање на меѓукултурната соработка и запознавање со начинот на образование и животот во други држави. Овој проект како свои цели ги има поставено  унапредувањето на знаењето и споредување со други училишта, подигнување на нивото  на знаења и компетенции на учениците и наставниците во средните стручни школи како и  потикнување на креативноста. Натпреварот се реализира секоја година во едно училиште од редот на училишните партнери.  При тоа од секое училиште учествуваат по двајца ученици и ментори.

Од оваа година кон проектот „Балкан Јуниор“ се приклучи и Професионалната гимназија по Механоелектротехника од Пирдоп, Република Бугарија.

Претставување на земјите учесници на натпреварот Балкан Јуниор

БАЛКАН ЈУНИОР-ПАТИШТА НА ПРИЈАТЕЛСТВОТО

Училишта и држави учесници на натпреварот:

Srbija    Република Србија,   TEHNIČKA ŠKOLA,  Ваљево

Turcija  Република Турција,  INONU MTAL (İnönü Mesleki ve Teknik Anadolu Lisesi) ТЕХНИЧКО И ИНДУСТРИСКО СРЕДНО УЧИЛИШПТЕ, Истанбул

Slovenija  Република Словенија,   ŠKOLSKI CENTAR VELENJE, Велење

Bosna i hercegovina Босна и Херцеговина,   JU MJEŠOVITA  SREDNJA  ŠKOLA, Тешањ

Bugarija Република Бугарија,   Професионална гимназија по Механоелектроника, Пирдоп

Crna Gora  Црна Гора,   JU SREDNJA STRUČNA ŠKOLA, Никшиќ

Romania  Романија,   COLEGIUL TEHNIC “TOMIS”, Констанца

Hrvatska  Република Хрватска,   SREDNJA ŠKOLA MATE BLAŽINE, Лабин

Makedonija  Република Македонија,   ОЕМУЦ „Св. НАУМ ОХРИДСКИ“, Охрид

 

  Logo Balkan Junior 2019

Проектот “Балкан Јуниор” настана како идеја да се поврзат училишта од слични профили од различни држави од Балканот. Идеја започна во 2012 година од страна на Бранко Голоскоковић, директор на Техничкото училиште од Ваљево, и Фатих Камил Билгин, директорот на училиштето INONU MTAL од Истанбул. Натпреварувањето “Балкан Јуниор” до сега се одржуваше во:

  1. Турција- Истанбул
  2. Словенија – Велење
  3. Црна Гора – Никшиќ
  4. Србија – Ваљево
  5. Босна и Херцеговина – Тешањ
  6. Хрватска – Лабин

Соработката меѓу училиштата се темели на размена на знаење, искуства и средства за извршување на практични задачи, базирани на повеќегодишното работење на просветните работници од областа на напредните технологии кои се неопходни за современ работен пазар (електротехника, машинство и информатика).

Досегашните натпревари ги опфатија областите од управувањето со CNC машините, програмирањето на PLC, работењето на 3D печатач, реализација на електро-пневматски систем управуван со PLC и микропроцесорот за програмирање и контрола на возила со помош на микроконтролери.

Честа да биде домаќин на седмото интернационално натпреварување “Балкан Јуниор” ја има Општинскиот Електромашински Училиштен Центар „Св. Наум Охридски“ од Охрид, а натпреварот  ќе се одржи во мај 2019 година .

Во периодот од 24.10.2018 година до 26.10.2018 година во Охрид ќе се одржи договорниот состанок со директорите и менторите од училиштата учесници на „Балкан Јуниор 2019 година“.

Предлог програма Балкан Јуниор 2019

Predlog program BALKAN JUNIOR 2019

Draft Agenda BALKAN JUNIOR 2019

Агендата за состанокот е следната:

Среда, 24.10.2018 година (прв ден)

17:00 часот  Доаѓање и сместување на гостите во Laki Hotel & Spa (http://lakihotelspa.com)

18:00 часот Работен состанок на директорите и менторите. Договор околу практичниот и теоретскиот дел од натпреварот Balkan Junior 2019)

20:30 часот Вечера

 

Четврток 25.10.2018 година (втор ден)

07:30 часот Доручек

09:00 часот Разгледување на училиштето ОЕМУЦ „Св. Наум Охридски“-Охрид

11:00 часот Средба на директорите од училиштата учесници со градоначалникот на општина Охрид

12:00 часот Разгледување на стариот дел од градот

14:30 часот Ручек

16:00 часот Слободно попладне

19:00 часот Вечера и дружење

 

Петок 26.10.2018 година (трет ден)

08:30 часот Доручек

09:00 часот Состанок на директорите и ментори

10:00 часот Заминување на гостите